Month: May 2017

Партијата за целосна еманципација на Ромите (ПЦЕР) смета дека одлуката на Врховниот суд,за поништување на притворот и повлекувањето на потерниците за Сеад Кочан се добро режирани да се случат за време на викенд.

Како што е наведено во соопштението од ПЦЕР, Врховниот суд на ваков начин му овозможил на Сеад Кочан да отпатува во некоја држава каде што ќе му биде гарантирана сигурноста,а СЈО да нема време веднаш да реагира.

„Со ова се потврди дека сме „банан држава“ и дека нашето судство е до гуша корупирано и е диригирано од ВМРО ДПМНЕ “ стои во соопштението.

Од Партијата сметаат дека Врховниот суд немал право да разгледува барање на Основното јавно обвинителство за случај што го води Специјалното јавно обвинитество.

ПЦЕР бара еднаквост пред законот и пресуди според делото.

„Невини Роми лежат по затвори за ситна кражба по 10 години, а оние кои превезувале роднини во Германија се осудени по пет години, а криминалците се чуваат како заштитени бели мечки“ стои во соопштението.

Мактел

Партијата за целосна еманципација на Ромите ПЦЕР реагира на институциите кои се надлежни за спроведување на истрагата за случувањата од 27 април, пред сè Министерството за внатрешни работи и посочува дека најголеми виновници на влегувањето во Собранието и за поттикнување на штрајкувачите се токму организаторите Илиевски, Дамчески и за Јовановски.

„Згора на сè, тие на вчерашните протести добија уште поголеми крилја дека никој ништо не им може и продоложија со иста реторика.Затоа партијата ПЦЕР предлага да се притворат наведените организатори и да сносат одговорност за сè што направија изминатите денови, затоа што најголеми виновници се токму наведените лица“, велат од ПЦЕР.

Не може пратеници да се претепани и да се лекуваат по болници, а организаторите да бидат на слобода, реагира ПЦЕР.

Мактел

Партијата за целосна еманципација на Ромите (ПЦЕР) најостро реагира на она што се случи на 27 април, особено на, како што вели, самоволието на двајцата пратеници на ВМРО ДПМНЕ, Крсто Мукоски и Сашо Василески, да ги отворат вратите на законодавниот дом и да ги пуштат платените затвореници тепачи да ги тепаат пратениците.

„Одговорност мора да има. Има камери во Собранието и ако се утврди дека навистина е така, треба веднаш да им се укине имунитетот и од нив да се побара кривична одговорност. Според наши партиски сознанија, сето ова било режирано, кој да ги отвора вратите, кој да ги носи тепачите кај пратениците, кој наводно ќе ги бранел. Тоа што го видовме на видео снимките на скалите, внатре во Собранието, како полицајците ги пуштаат тие што треба да ги тепаат пратениците, беше капак на сè“, велат од ПЦЕР.

Од партијата порачуваат дека на потег се МВР и Обвинителството кои мора правично да постапат.

„Ние имаме докази, видео снимки, со кои ќе докажеме дека сите учесници на оваа организирана банда треба да одговараат“, соопшти ПЦЕР.

Мактел

Партијата за целосна еманципација на Ромите (ПЦЕР) бара целосна независна истрага со вклучување и на странски експерти за да се пронајдат виновниците за вчерашниот напад на пратениците и новинарите и да бидат казнети согласно законите и Уставот.

Од ПЦЕР го осудуваат, како што велат во се наведува во соопштението, вчерашниот обид за државен удар во Собранието изведен од т.н. граѓанска иницијатива „За заедничка Македонија“ и координиран од институции надлежни за одржување на јавен ред и мир.

Од партијата се оградуваат од учеството на членови на партијата Сојуз на Роми кои беа дел од вчерашните насилни дејствија против легално избраните пратеници во законодавниот дом.

ПЦЕР повикувајќи се на фотографии од синоќешниот напад на Собранието и пратениците наведува дека меѓу лицата кои тепале пратеници биле вработени од општина Шуто Оризари.

„Сакаме да кажеме дека за дел од овие лица има кривични пријави за насилство и физички напад уште од Парламентарните избори во 2011 година, но за жал органите на прогонот и обвинителството досега не презедоа никакви дејствија и со тоа стана дел од вчерашниот обид за пуч во Собранието“ се вели во соопштението.

Мактел

Партијата за целосна еманципација на Ромите (ПЦЕР) денеска најави дека ќе организира протести доколку за брзо време не се исплати целосно долгот кон граѓаните кои примаат социјални трансфери, социјална помош, постојана парична помош, туѓа нега и други трнсфери.

„Остануваме доследни на тоа ветување. Според наши сознанија, Министерството за труд и социјална тешко ќе може да ја исплати социјалната помош, затоа што касата на МТСП е празна. Немаат исплатено надоместок за електрична енергија на социјалните случаеви веќе подолг период, а доцни и исплатата за инвалидните организации“, велат од партијата.

Мактел

Партијата за целосна еманципација на Ромите (ПЦЕР) реагираше, откако Основното јавно обвинителство соопшти дека отвори случај за истражителот на СЈО, бидејќи фотографирал објект, за кој имал индиции дека е во сопственост на поранешниот началник на тајната полиција, Сашо Мијалков.

Ако ОЈО реагира со ист аршин без разлика кој и да е,зошто се уште не рагира на нашата пријава за бившиот министер на труд и социјала Диме Спасов кој остави еден куп семејства без социјална помош која им е едниствена егзистенција и приход,поради трансферот на пари преку „Вестерн унион“. Од пријавата нема ни трага ни глас. Со вашето однесување деновиве покажавте како ОЈО дека сте наклонети сто процентно кон власта – велатт од ПЦЕР.

ПЦЕР бара, Специјалното јавно обвинителство што е можно поскоро да обелодени кој прислушувал и да стави крај на лагите и манипулациите на власта.

Фокус

Почитувани, добредојдовте на нашата нова веб страница. Тука ќе можете да се запознаете со структурата и внатрешната организација на нашата партија, како и моменталната програма која планираме да ја спроведеме по завршувањето на парламентарните избори во Р. Македонија.

Освен тоа, на ова место ќе можете да ги прочитате сите новости околу нашата организација на нашиот нов портал за вести. Погледнете ја галеријата од изминатите граѓански протести што ние ги организиравме или стапете во контакт со нас за сите прашања што ги имате.

Со почит, ПЦЕР.