Month: June 2017

Министерот Самка Ибраимоски денес беше во посета на неколку градови низ Македонија каде што оствари средба со Ромски граѓани заедно со пратеникот од редовите на СДСМ – Васко Ковечевски. Посетата ја започна во Кичево и ја продолжи во Баир во Битола, Сточниот пазар и Љубојно.

Според граѓаните, тие го изразија своето незадоволство со претходната власт и за нивната незаинтересираност за Ромите во останатите градови во Р. Македонија и ја поздравија посетата на министерот Ибраимоски, каде што беше топло добредојден и пречекан од локалните жители.

На средбите се дискутираше за лошите услови за живеење во неколку населби каде што лошата инфраструктура и непостоењето на истата доведува до значително намалување на квалитетот на живеење на локалните Роми кои се приморани да импровизираат за да си обезбедат основни услови за живеење.

Сепак главен фокус на средбите со граѓаните се стави на невработеноста на локалните Роми и масовното иселување на цели семејства како нејзина последица. Според нив најголемото злодело на минатата власт е создавањето егзодус на населението. Во личен разговор со министерот еден од жителите со насолзени очи му порача дека му е смачено секој ден да го гледа своето семејство гладно и наместо да живее, приморан е да преживува, додека минатата влада се луксузирала со автомобили од 600.000 евра и лустери со Сваровски кристали.

На тоа министерот Ибраимоски порача дека е дел во коалиција која има план за подобар живот и дека промените допрва доаѓаат. Од своја страна вети на решавање на инфраструктурните проблеми со кои се соочуваат граѓаните и голем број вработување во локалните, јавните и државните институции за кои е лично овластен од новата реформска влада. Министерот рече: „Процентот на Роми вработени во сите институции во државата е далеку под просекот и не соодвестува на процентот што ни е загарантиран со Охридскиот Рамковен договор според пописот на населението. Очекуваме илјадници вработувања во сите сектори за сите видови образование.“

На крај порача дека е ова е само почеток и нема да застане додека не ги посети сите градови во Македонија каде што живеат Роми.

 

Денес министерот Ибраимоски гостуваше во емисијата „Само вистина“ на телевизија Канал 5. Спроти него беше поранешниот министер без ресор од Демократската партија на Турците која беше во коалиција со ВМРО-ДПМНЕ.

Ибраимоски упати критика кон г-динот Иљас за големата неангажираност на сите партии од помалите етнички заедници кои беа во коалиција со ВМРО-ДПМНЕ и за малата улога на поранешните министри без ресори во извршната власт.

Во емисијата се дискутираше и за воведување на нов изборен модел со една изборна единица, која според министерот Ибраимоски ќе доведе до поголема правична застапеност на етничките заедници во парламентот. Министерот воедно напомена дека и процентот на Ромите според последниот попис е далеку од реалниот, и е најмалку двојно поголем, и на Р. Македонија во најбрзо време и е потребно спроведување на нов попис на населението.

Министерот Ибраимоски во емисијата исто така најави дека неговиот модел на управување во должноста на министер без ресор за стратегија на Ромите, значително ќе се разликува од неговите претходници и ќе биде поактивен во ширењето на свесноста за ситуацијата на Ромите во државата, како и тоа дека неговиот кабинет ќе биде отворен за сите граѓани на Републиката.

Денес претседателот на ПЦЕР, Самка Ибраимоски ја превзема функцијата министер без ресор за стратегија на Роми, откако претходно беше изгласана новата реформска влада на Социјалдемократскиот сојуз на Македонија и нејзините коалициони партнери во парламентот.

На својот прв работен ден во кабинетот, министерот Ибраимоски порача дека нема да биде како неговите претходници и поактивно ќе се ангажира за правата на Ромите. Во текот на првите 100 дена на владата ќе го претстави неговиот тим и националната стратегија за Ромите во Р. Македонија за 2017/18 година.

За повеќе информации и прашања кон министерот, можете да ги упатите на нашата веб-страница или лично на неговиот facebook профил овде.